San Telmo Museoaren Lagunen Elkartearen udazkeneko hitzaldi honetan Gipuzkoaren eta Alemaniako erregimen naziaren arteko loturaz arituko da Juan Aguirre Sorondo kazetari eta kultura dibulgatzailea. 

1932an, Alemaniako adiskide talde batek Hitlerren hogeita hamar jarraitzaile inguru bildu zituen Donostian. 2011n, Bigarren Mundu Gerraren ostean heriotza-zigorra jaso zuen kolaborazionista belgikar bat hil zen hirian. Bi data horien artean, gure lurraldea espioitza eta konspirazio gune, kriminal kolaborazionistentzako operazio eremu, erbestealdi seguru baterako plataforma eta Hirugarren Reicheko borrokalarien babesleku izan zen.