Aba Taano (?bostak? luganda hizkuntzan) Ugandako ahots-boskote ezaguna da, eta publikoa hunkitzen du energiaz, sentsibilitatez eta espiritualtasunez betetako proposamen batekin. Taldekideek - Nabbaale Harriet, Kimeze Joshua, Kiyemba Rogers, Katsesigye Christian eta Ssenteza Derrick - gospel afrikarra, kantu tradizionalak, pop-a eta a cappella harmoniak uztartzen dituzte, adin guztietako publikoekin konektatzeko gai diren kontzertu zirraragarri eta hurbilak sortuz.

2008an Kampalan sortu zen taldea, ?Bizitzak salbatzeko musika? GKEaren proiektu solidarioari lotuta. Proiektu horrek haur eta gazte zaurgarriei laguntzen die, hezkuntzaren eta musikaren bidez. Bere ibilbidean zehar, Aba Taanok milaka kontzertu eman ditu nazioartean eta sari ugari jaso ditu bere kideen ahots kalitateari eta eszenatoki gainean transmititzen duten giza mezu indartsuari esker.