Antolatzailea: Gabriel Aresti euskaltegia

Inun kantagileak gaztaro osoa darama musikari lotua. Hainbat musikarirekin era askotako proiektuetan murgildu da, beti ere bere kantak oinarri izanda. 2014ko maiatzean, bakarlari gisa eta euskaraz, pop estiloko "Berreginez" izena daraman bere lehen diskoa kaleratu zuen. Grabaketa zuzenean egin zuen, gitarra, ahotsa eta erritmo elektroniko eta akustikoak loop pedalekin konbinatuz. Hitzaldi musikatu honetan hobeto ezagutzeko aukera izango dugu, eta bere musikarekin gozatu.