Goiko aretoan. Ateak eta txarteldegia 20:00etan zabalduko dira.

DOAKO SARRERA

Kutxa Beltza
MIKEL URAKEN
Izaki Bizidun Berriak diskoa aurkezten
Neguaren ostean, elurretako izotza ur bihurtzen da, eta urak, mendi eta aranak zeharkatzean IZAKI BIZIDUN BERRIAK sortzen ditu. Era berean zabaldu da Santutxuko Mikel Uraken musikariaren jarduera, disko berri honetako laguntzaileen ekarpenari esker. Musika aldetik David Tobalen bateria eta Gorka Pardoren baxua eta hitzen aldetik Gorka Erostarbe, Aiert Goenaga eta Gotzon Barandiaranen hainbat testu aurki ditzazkegu bertan, besteak beste. Auzolana borobiltzen duen diseinua, oraingoan ere, Asier Garcia Azkuerena da eta soinua, Ander Barriusoren ardurapean bere ohiko marka pertsonalez grabatua izan da. IZAKI BIZIDUN BERRIAK, bizirik irauteko eta bizitzeko modu berriak dira.

Argazkia: Arriguri