 |
|
 |
Ateak 19:00etan zabalduko dira.
DOAKO SARRERA
Kutxa Beltza – Eremuz Kanpoko Sotoa 2×05: ROCKY HORROR XEREZADE PICTURE SHOW
Ausartzen bazara, sartu zaitez Xerezaderen eskutik munstro etxerik sexienaren sekretuak ezagutzera…
XEREZADEREN ARTXIBOA Jasone LARRINAGAk eta Ana I. MORALESek Bilbo Hiria Irratian eta xerezade.org blogean egiten duten literatur podcast-a da.
Saioa Bilbo Hiria Irratian (96.0 FM) entzun daiteke ostiralero 20:00etan…
Eremuz Kanpo Bilbo Hiria Irratiko irratsaioa da, zinema hizpide, edo zinema aitzakia hartuta, astean behin uhineratzen eta sareratzen dena.
Eremuz Kanpoko Sotoa uhin horien hileroko gauzatzea da, hezur mamizko aitzakia gure artean dauden hainbat norbanako eta elkarte esanguratsuk, zer esana eta hura esan gura dutenek, alegia, esatea izan dezaten, eta besteok, zer ikus-entzun eta zeri erantzun.
Zinema bera, ikus-entzunezkoak eurak hizpide, orbita edo aitzakia; oraingoan ere, honetaz ez bestez jarduteko. Nork beretik edo berarenaz jardunda, proposatuz, iradokiz zer ikusi, nola ikusi, nondik begiratu.
Hilean behin, proposamena nork aurkeztuko duen iragarriko dugu. Oihala altxa eta ikus/entzungo duguna zer den jakiteko berriz, Eremuz Kanpoko Sotora igo beharko duzue.
