 |
Ateak 19:00etan zabalduko dira.
DOAKO SARRERA
Kutxa Beltza – Eremuz Kanpoko Sotoa 2×04: EREMUZ KANPO
Irratsaioaren luzapena izateko jaio zen sotoa, eta oraingoa, orotara hamaikagarrena, lozorroan dagoena ordubetez eta jendaurrean esnarazteko erabiliko dugu.
Eremuz Kanpoko Soto hutsa. Autosotoa. Autogonbidapena. Maizterra apopilo. Diru-gosez batzen den rock banda, kontzertu berezi baterako. Hori guztia izango da bigaren denboraldiko laugarrena.
Eremuz Kanpo irratsaioa zer den ezagutu nahi izanez gero, etorri, edo/eta egin klik hemen.
Oharra: Joseina Etxeberriak ez du ikuskizunean parte hartuko.
Eremuz Kanpo Bilbo Hiria Irratiko irratsaioa da, zinema hizpide, edo zinema aitzakia hartuta, astean behin uhineratzen eta sareratzen dena.
Eremuz Kanpoko Sotoa uhin horien hileroko gauzatzea da, hezur mamizko aitzakia gure artean dauden hainbat norbanako eta elkarte esanguratsuk, zer esana eta hura esan gura dutenek, alegia, esatea izan dezaten, eta besteok, zer ikus-entzun eta zeri erantzun.
Zinema bera, ikus-entzunezkoak eurak hizpide, orbita edo aitzakia; oraingoan ere, honetaz ez bestez jarduteko. Nork beretik edo berarenaz jardunda, proposatuz, iradokiz zer ikusi, nola ikusi, nondik begiratu.
Hilean behin, proposamena nork aurkeztuko duen iragarriko dugu. Oihala altxa eta ikus/entzungo duguna zer den jakiteko berriz, Eremuz Kanpoko Sotora igo beharko duzue.
