Aldi berean, Hesian taldearen 10.urteurrena ospatzeko asmoarekin, abenduaren 4an, oso berezia izango den kontzertua eskainiko dute Durangoko Plateruena antzokian. "10 urte, 11 gonbidatu" lelopean, kontzertu berezi honetan hainbat lagun eta musikarien kolaborazioaz gozatuko du taldeak. Hementxe dituzue parte hartuko duten artista batzuen izenak: Xabi Solano (Esne Beltza), Pello Reparaz (Vendetta), Naroa Gaintza (22M2), Ines Osinaga, Xagu (Iheskide), Jony (Kaotiko) eta Aguayiko (Kaotiko, Puraposse). Hurrengo asteetan, gainerako gonbidatuen izenak argitaratuko dira eta sarrerak laster salgai ipiniko dira!