Donostiako saio hau erreferente bihurtu da bertso zirkuituan: lekua ederra izateaz gain, bertaratzen den entzulearekin saio beroa, atsegina eta goxoa irteten da.Hargatik da berezia Lugaritzekoa. Aurten oholtzan egongo diren bertsolariak hauek dira: Maialen Lujanbio, Amets Arzallus, Miren Artetxe, Beñat Gaztelumendi. Gai-jartzaile lanetan, berriz, Iker Iriarte arituko da.

Gonbidapenak: azaroaren 26tik aurrera jaso ahal izango dira Lugaritz Kultur Etxean bertan (16:00etatik 20:30era). Gehienez bi gonbidapen pertsona bakoitzeko.