BreakOnstage 2016 Bilbao Arena Kirol Gunean ospatuko da Apirilaren 16an 19:00etatik aurrera. Iazko arrakastaren ondoren, 5.000 ikusle bertaratu ziren BreakOnStage jaialdira, aurten ere kultura urbanoaren nazioarte mailako ikuskizunik harrigarrienekin itzuliko da. BreakOnStage, Nazioarteko Kultura Urbano Eszenikoen Jaialdiaren formatoa bakarra da, agertoki bakarrean kultura urbanoaren espezialitate anitzak taularatzen dira, unean uneko berrikuntzekin eta era dinamikoan. Dantzari dagokionez aurtengo edizioan, Arcopom Crew espainiarrak datoz egungo munduko breakdance show onenaren saria jaso duen ikuskizuna aurkeztera. Team Shmetta breakdance talde belgiarra Europako talde onena ere dator. Crazy Hospital edota Be Hop dantza talde bilbotarrak ere arituko dira besteak beste. Gainera, inguruko 5 dantza urbano talde onenak lehiatuko dira, 60 taldek parte hartu duten sailkapen jaialdietan irabazi dute bertan parte hartzeko aukera. Kultura urbanoen hainbat erakustaldi eta ikuskizun taularatuko dira: Scooter Freestyle txapelketa (nazioarteko 5 rider arituko dira norgehiagokan) BMX Flatland eta Street Workout ikuskizunak. Aurtengo kontzertua Arce rap abeslari galiziar ezagunaren eta La Basu feat Ane Guria Bilbotarren esku egongo da.