Kontzeptuaren emaitza da hamazazpi abestietan zehar entzungo dena zoriontasunaren aldaria kantu bilakatuta. Kantu bakoitzaren soinu-leherketa biribila da urteetako jardun eta jakinduriak emandakoa. Inplosiboa barrurako, eta kanporako aurrez aurre lehertutako hamazazpi abestien soinuuhinekin entzulea harrapatzeko xedea du, eta baita egilea bera ere. Sentimendu handiarekin uztartu ditu euskal folka kanpoko sen eta estimuluekin. Disko guztiekin izan du Xabi Aburruzagak bere musika mundura zabaltzeko ideia.