Dave Douglas (tronpeta), Jon Irabagon (saxofoia), Mary Halvorson (gitarra), Rafiq Bhatia (gitarra), Bill Laswell (baxua), Ches Smith (bateria)

Estatu Batuetan eta beste leku batzuetan bizi duten giro politiko eta sozialari erantzunez, Dave Douglasek proiektu berri bat jarri du martxan, erronka ere baden proiektua, zera planteatzera behartzen baititu hala bere burua nola ikus-entzuleak: nola lagundu onerako aldaketan.

Twelve pieces for positive action in 2018 izeneko lanak Douglasen hamabi konposizio berri dakartza; seikote berri batentzako lanak, hain zuzen ere. Pieza bakoitzak kausa sozial jakin bat jartzen du bistan, eta lan handia egiten ari diren erakundeak aipatzen ditu.