Ateak eta txarteldegia 20:30ean zabalduko dira.

Aurresalmenta: 15 EUR (Kafe Antzokia, www.ticketea.com, Muga taberna, Power Records)
Txarteldegia: 18 EUR
*Eskaintza berezia: Lehenengo 50 sarrerak 12 eurotan.

THE HILLBILLY MOON EXPLOSION ROCK’N’ROLL REVUE
Featuring special guests: ?British R’n’B legends GERAINT WATKINS, MARTIN WINNING and PETE THOMAS

The Hillbilly Moon Explosion ikusteko aukera izugarria izango dugu hau. Rock’n’roll soinu retroko puntako banda lehen aldiz izango da gurean, eta oso show berezia eskainiko digu. Gainera, Emanuela Hutter lider duen taldeak luxuzko gonbidatuak izango ditu gau honetan: Geraint Watkins, Martin Winning eta Pete Thomas rythm'n'blues britainarreko artista handiak: Geraint Watkins piano- eta akordeoi-jotzailea da eta rock'n'rolla odolean darama. Nick Lowe, Dave Edmunds, Van Morrison, Paul McCartney, Rory Gallagher, The Stray Cats, Dr. Feelgood eta Eric Clapton lagundu ditu, besteak beste; Martin Winning saxofonista, klarinetista eta edozein instrumentu jotzen birtuosoa da, eta besteak beste, Van Morrison laguntzen aritu da eta Ray Charlesen bi diskotan hartu du parte; eta haize-instrumentuko atala osatzeko, Pete Thomas dugu, Joe Jacksonen "Jumpin' Jive" diskoko haize-instrumentua idatzi, moldatu eta jo zuen musikari mitikoa. PJ Harvey, Robert Cry, REM, The Proclaimers eta Keziah Jonesen diskoetan ere hartu du parte.