Tarwa N-Tiniri, amazigh hizkuntzan “basamortuko seme-alabak” esan nahi du. Marokoko hegoaldeko Ouarzazate hiritik datoz. Musikari gazte hauen helburua amazigh herriaren ondare kultural aberatsa mantentzea da, soinu tradizionalak beste soinu modernoagoekin elkartuz, hala nola jazza, reggaea ,eta batez ere, basamortuko bluesaren soinuarekin,eragina Tinariwen, Tamikrest eta Bombino musika talde ezagunetatik jasotzen dutelarik.
Beren abestietan herri nomaden baldintza sozialak adierazi ezezik dituzte, energiaz eta sormenez betetako aire freskoarekin, baina, maitasunaz, adiskidetasunaz eta bakeaz ere mintzatzen dira.
Hamid Ait Ahmed: Gitarra eta ahotsa
Smail Ait Nacer: Baxua
Mustapha Ait Ba: Ahotsa
Youssef Ait Nacer: Perkusioa, kalabaza
El Mokhtar Ait Nacer: Gitarra erritmikoa
Musikaire da ezohiko jaialdi bat; eta bere programa, mazedonia moduko bat. Mazedonia honetan nahasten dira osagai oso ezberdinak, beti erakargarriak eta kalitatezkoak; nahasten dira baita arte motak eta jatorriak ere.
Eta zerbitzaten da aire irekian – udako gaugiro sorginetan – Elorrioko hiriak gordetzen dituen paraje zoragarrietan. Eta Elorrioko kaleetan ondare artistikoa garrantzitsua da oso. Horregatik, ondare hau udako gauetan bihurtzen da musikaz gozatzeko eszenario ezin hobea.
Badirudi turismoa dela urrun joatea, errekan behera, itsasorantza. Baina paradisua egon daiteke berton eta mendiz inguratuta. Elorrio, esaterako, paradizua bihurtzen da udaro. Sasoi honetan eskuzabal eskaintzen dituelako naturaren ederra eta arkitekturaren lilura, historia eta aire irekiko kultura, bisitak eta bizipenak. Hau guztia errekan gora, urrun barik.
Kultura kalean eta doan, edonoren esku, guztion gozagarri. Zu barne.
Segur aski asko interesatuko zaizu...
