A un pájaro rojo Sofía Comas konpositore, abeslari eta performerraren proiektua da. Kantak otoitz bihurtzen diren zeremonia gisa aurkezten da, xamanak, orakuluak eta sibilak izendatzeko, magia poesiaren beste aldaera bat bailitzan. Autorearen testuak Nezahualcóyotl printzearen, María Sabina kuranderaren eta Eckhart Tolle idazlearen kantu eta poemekin lotzen dira. Eremu eszenikoa espazio sakratu bihurtzen da, non teknologia (musika elektronikoa, soinu-diseinua eta argiztapena) eta antzinakoa (mugimendua, hitza eta erritua) elkartzen baitira liturgia egiteko. Comasek bere gain hartu du emakume apaiz papera erritu pagano honetan, auguriorik onenak aldarrikatzeko; izan ere, tribuak horizontea behar du, superstizioaren eta irrikaren arteko distantzia zehatzera egiten du hegan.