2020-10-06

Musika Bulegoa Sariak urriaren 1ean banatu zituzten Gasteizko Jimmy Jazz Aretoan. Zea Mays, Xabi Aburruzaga, Trío Zukan, Pascal Gaigne, Niña Coyote eta Chico Tornado, Maite Larburu, Kafe Antzokia, Euskal Barrokesemble, Eresbil, Dupla eta Baloreak izan dira aurtengo saridunak. Proiektu desberdinak dira elkarren artean, baina kalitate tekniko handia dute bereizgarri. Ekitaldia martxoan zen egitekoa, baina atzeratu egin behar izan zuten osasun larrialdia tarteko. Hain zuzen ere, antolatzaileek mezu argia nabarmendu zuten: kultura segurua dela, eta kultura emanaldiak eta kontzertuak berme guztiekin egin daitezkeela.