Olatz Zugasti (Hernani, 1965) arpa-jotzaileak Benito Lertxundiren laguntzaile fidela izan zen taula gainean 38 urtez. Aldi berean, bakarkako bost disko bikain grabatu zituen, horietako berriena 'Ur goiena, ur barrena…''. (2015). Bakarkako ibilbideari ekin dio azken urteotan, eta 2019an grabatutako 'Orion Zuzenean' laneko abestiak aurkezten ari da. Sortzaile aparta eta euskal folkaren ezinbesteko izena, talde bikainak lagundurik ari da: Amaiur Cajaraville (baxua), Ander Ederra (gitarra ), Ander Zulaika (bateria, kaxa) eta Gratxina Lertxundi (teklatua, flauta eta ahotsa).