Ane Negueruela (ahotsa), Jokin Guilisagasti (bateria), Markel Idigoras (ukelelea, ahotsa), Alex Irazusta (gitarra), Olatz Cuevas (baxua)

Donostiako Nøgen boskoteak 10 urte bete ditu 2026. urtean, eta, ospatzeko, abestirik ezagunenen errepasoa egingo du. Abesti horietako batzuk himnoak dira taldearen zaleentzat: Nora, Ez Da Ondo Aterako, Enarak, Gertu, Oxigenoa...

Nøgen 2016. urtean hasi zen abestiak egiten, eta hiru disko argitaratu ditu orain arte: Liv Til Døden (2018), Under Alt (2020) eta Åben Cirkel (2023). Gainera, kontzertuak eskaini dituzte areto eta jaialdi handi eta txikietan, Estatu osoan eta zenbait herrialdetan, hala nola Japonian, Korean, Finlandian eta Kuban.

Taldearen izenak biluzi esan nahi du danieraz, eta taldeak hasieratik izan duen asmoa laburbiltzen du: zintzo, ireki, hurbil, artifiziorik gabe eta sakonki gizatiar sentitzen diren abestiak eskaintzea.

Taldearen soinua Mumford & Sons, Of Monsters and Men eta La M.O.D.A. taldeenarekin parekatu da. Letrak, euskaraz, ingelesez eta gaztelaniaz, denboraren joanari, giza harremanei, identitateari eta memoriari buruzkoak dira. Folkaren, indiearen eta poparen artean dabil Nøgen, eta ahots-harmonia landuak, erritmo markatuak eta batzuetan malenkoniara eta intimitatera jotzen duten eta beste batzuetan, berriz, gazte-bizitasuneko pilulak eta askatzen gaituen eta dantzara bultzatzen gaituen bizitzaren ospakizun bat diren melodiak eskaintzen ditu.