2019tik maketa batekin, hainbat singlerekin eta EP batekin ikusmina sortu ondoren, Miruak 2025ean egin zuen debuta ‘Miruenea’ albumarekin. Tolosako hirukoteak orijinaltasuna eta eklektizismoa ditu helburu. Hainbat estilo fusionatzen ditu, hala nola folklorea, elektronika edo hyperpop-a.

Mirua taldeak Miruenea diskoa aurkeztuko du Gazte eta lorios biraren baitan Gure Ahotsak zikloan.

Miruak Mirueneako ateak irekiko dizkigu. Beraien lehen albumean haurtzarotik lagun izan dituzten erreferentzia ugariak eta oraindik ere beren jakin-nahi agortezinarekin deskubritzen jarraitzen dituztenak ezagutzera gonbidatuko gaituzte. Baita bere oroitzapen, amets eta bizipenak ezagutzera ere.

Disko honek mugarria ezartzen du taldearen ibilbidean, izan ere, Mugaz gaindi edo Salda badago bezalako aurrerapenekin Euskal Herriko talde sendo eta nabarmenetako batean bihurtzea iragartzen bazuten, jada ez da zalantzarik gelditzen. Gutxi dira euskal folklorearen sustraien eta orainaren arteko hain zubi sendo eta originala eraikitzeko gai direnak.

Malentxo Zeberio (ahotsa, biolina, teklatuak, perkusioa), Mattin Zeberio (sintetizadoreak, ahotsa, perkusioa), Maitane Iruiñ (ahotsa, biolina, gitarra, perkusioa).

Ikusi Gure Ahotsak 2026 Emakume Musikarien Zikloaren egitarau osoa eta eskaintza berezia.