 |
|
 |
Antolatzailea: Gabriel Aresti euskaltegia
Doako sarrera
"DESENTXUFATUAK"
Ekoizpena: EZ DOK HIRU / TARTEAN teatroa
Aktoreak: Mikel Martinez eta Patxo Telleria
Bi euskara ikaslek, "munduko euskaldunberririk zaharrenak" direnek, berrogei urte daramate euskaltegian eta oraindik...
Publikoartera agertzen dira euren frustrazio, desio eta kexak adierazteko. Maitasun istoriorik ederrenetan bezala, euskera maite dute eta gorroto. Gorroto dutelako maite dute; maite dutelako, gorroto. "DESENTXUFATUAK" katarsi ariketa bat da. Euskera ikasleentzat bada, jakina, euren isla (deformatua) ikusten dutelako eszenatokian. Baina euskera ikasle ez direnentzat ere bai. Euskaldun guztion isla ere badirelako bi pertsonaiok. Euskaldunok ditugun desio, kexa, eta obsesio berberak dituztelako. Eta obsesioetan, bi nagusi: euskera bera eta... bai, sexua, jakina! "DESENTXUFATUAK", "Euskera Sencilloaren Manifiestoa" eta "Larruaizetara" antzezlanen eskenarik onenekin osatua dago. Artifizio handirik gabe agertu nahi dute publiko aurrean, aurreko ikuskizunen eszenarik arrakastatsuenez baliatuz kalitatea kontzentratuta eskaintzeko. Ez Dok Hiru-ren funtsa "unplugged" (desentxufatuak).
