Melted Klocks boskoteak Damon Robinson kantari kaliforniarra du buru, eta honen soulman-ahotsa gospel koruetan ontzen hasi zen. Bluesetik soulera bitarteko sustrai beltzeko musika, baketak Kepa Junkera, Infussion eta Gatibu bezalako artistekin astindu dituzten musikarien gustukoa.
Damon Robinson (San Bernardino, Kalifornia, AEB). Bost urte baino ez zituen piano-ikasketak hasi zituenean, eta handik gutxira gurasoen elizako gospel-kontzertuetan abesten hasi zen. Hamalau urterekin bere lehen abestiak konposatu zituen. Unibertsitatean zegoenean, World in Motion musikalaren munduko birako abeslari nagusi izendatu zuten.
Damon Robinsonek nazioko eta nazioarteko hainbat artista izan ditu lankide, besteak beste, The Yellowjackets, Presuntos Implicados, Alejandro Sanz, Antonio Orozco, Danza Invisible, Loquillo, Metro, Eskorzo, David de María, Jonah Smith eta Mike Stern.
Bere ahotsa soul musikaren maisu handien ildokoa da. Horri eta eszenatokian duen karismari esker Melted Klocks talde berriaren frontman paregabea da.
Segur aski asko interesatuko zaizu...
