Maddi Oihenart Zuberoako Barkoxe herrixkan sortu zen, Anari, berriz, Azkoitiko asfaltoan. Norberak bere bidea egin du. Bide arras desberdinak nahi bada. Folk rock deitzen den horretan Anari eta kantu tradizionala eta jazza uztartuz Maddi. Bestelako sonoritateak landu dituzte biek ala biek baina helburu bera izanik. Kantuaren alde beti. Indar emozional handiko kantuak. Loraldian, estreinakoz biak batera oholtzan entzun eta ikusteko aukera izango dugu. Bi arantza musikaren lorategian.