 |
|
 |
Lehenengo edizio honetan zazpi banda arituko dira, Vita Imana buru. Madrilgo Groove Metal taldeak, soinu oldarkorrak eta girokoak uztartzen ditu. Perkusioa eta afinazio larriak dira bere soinu bereizgarriaren motorra. Bost disko ditu, eta nazio mailako talde adierazgarrienetakoa da. Kalitatezko zuzenekoa dute, eta nazio eta nazioarte mailako jaialdi onenetan jo dute.
Ziurrenik, ibilbide luzeena duen heavy metal banda Vhäldemar izango da. 90eko hamarkadaren amaieran sortu zen Barakaldon, Pedro J. Monge gitarristak Carlos Escudero abeslari eta gitarristarekin batera Heavy Metal banda bat sortzea erabaki zuenean. 2001eko ekainean, Arise Recordsekin sinatzeko balio izan zien demoa grabatu zuten, eta 2002ko martxoan argitaratu zuten lehenengo albuma, “Fight to the End”. Ordutik, estudioko sei disko, areto eta jaialdietan zuzeneko asko eta Japonian bira bat egin dituzte.
Aski ezaguna da Legazpiko Elbereth boskotea. Ibilbide luzea dute eszenatokietan eta euskaraz argitaratutako lau lan argitaratu dituzte. 20 urteko ibilbidea ospatuko dute Abadiñon. 2007an lehen diskoa grabatu zutenetik gaur arte, estilo horren barruan Euskadiko talderik onenetakoa bihurtu dira.
The Faithless, Hard Rock eta Metaleko Gasteizko taldea, 2015ean sortu zen, eta ibilbide luzeko musikariz osatuta dago. Estilo ezberdinak nahastuz, baina izendatzaile komun batekin, heavya, estudioko bi disko atera zituzten, eta iaz hirugarren albuma kaleratu zuten. Ekainean aurkeztuko dute Abadiñon.
Unholy Covers hainbat taldetako kidek osatzen dute, tartean Kapi Guarrotxena (Porco Bravoko gitarra-jotzailea). 80ko eta 90eko hamarkadetako kantak, mundu guztiak ezagutzen dituen abestiak, eskaintzeko elkartu dira, eta horrela borobilduko dute KOBA LIVE jaialdiaren amaiera, Bon Jovi, Kiss, Motley Crue, Gun´s and Roses, Stryper edo Iron Maiden taldeen kantuekin.
Bertako soinua
Jaialdiaren lehen edizio honek eskualdeko bi talde izango ditu. Groove metal/Metalcore estiloko The Kraven Durangoko taldea 2008an desegin zen, baina eszenatokietara itzuli dira eta KOBA LIVE izango da berriro zuzenean ikusteko lehenengo aukera. Orion Chi ld taldeak osatuko du jaialdiaren lehen edizioko kartela. Matienan egiten dituzte entseguak eta eskualdeko musikariek osatzen dute. Ibilbide luzeko banda da, eta kontzertu eta lehiaketa ugari ditu atzean, baita beste talde batzuetako kideen kolaborazioak ere.
“Pandemiaren ondorioz, ekimen asko bertan behera utzi behar izan ziren, baina berriro ere ekiteko eta gure eskaintza kulturala dibertsifikatzeko eta gazteentzat erakargarriagoa egiteko aukera emango diguten gauza berrien aldeko apustua egiteko garaia da. KOBA Live, Kultur Zerbitzutik aspalditik lantzen ari garen oso proiektu pertsonala da, eta ikusi beharko dugu zer nolako harrera duen lehen edizio honek, baina jarraitzeko bokazioarekin iritsi da Abadiñora” Argi Abad Kultura zinegotziak azaldu duenez.
Bestalde, Mikel Garaizabal Abadiñoko alkateak adierazi duenez, “gure agintaldiko planean gazteei interesatzen zitzaizkien gauzak programatzeko konpromisoa hartu genuen, eta hau da horietako bat. Gainera, Abadiñotik harago doan musika-ekitaldia da, eta kanpoko jendea erakarriko du, eta hori ere positiboa da, ekitaldi estrategikoa da, eta baita ekitaldi kulturalen aldeko apustua ere, tokiko garapenaren eragile gisa.”
Sergio Correa SUGAAR Musika Elkarteko arduradunak azpimarratu duenez, “horrelako jaialdi bat beti da positiboa udalerri batentzat. Elkartea erakundeekin batera egiten ari den lanari eta publikoaren aldetik aurreikusten dugun eta ezinbestekoa den harrera onari esker, 2022an sortu den KOBA Live finkatzea urtez urte hobetzea eta haztea aurreikusten dugu. Abadiño bultzatu gura dugu, musika estilo honen inguruko erreferente bihur dadin. Udalerriaren kokapen ona, garraio publikoko zerbitzuekin duen komunikazio ezin hobea eta bertako ostalaritza bikaina KOBA Liveren helburuetarako osagai egokiak dira.”
