Oroitzapena, maitasuna eta pasioa. Ikurrari eta pertsonari miresmena. Apirilaren 14an Morenteren unibertsoan murgilduko gara, maisuak beste gutxik bezala menperatzen zuen muga-arteko artearekin gozatzeko, bere alaba baten eskutik. Bere artearen ertz guztiak, bere arimaren zirrikitu guztiak. Mitua, kondaira. Ikuskizun honetan bat egingo dute Estrella Morentek eta Arcángelek, Dani de Morónen gitarra bide lagun eta adiskide dutela. Hau guztia José Luis Ortiz Nuevok zuzendua, ziklo honetan 2009an Enrique Morenten bidaide izanikoa. Enrique Morenteren izarra BBK Salako oholtza gainean.