Mezerg da, ezbairik gabe, nazioarteko panoraman sormenik handiena duen musikarietako bat. Artista frantsesa etxean egiten zituen bideoei esker eman zen ezagutzera: eskuak eta oinak erabiliz, techno musika inprobisatzen zuen kamera aurrean. Bere ibilbidean zehar, elektronika eta genero musikal horretan ezohikoak diren tresnak uztartu izan ditu, eta zuzeneko emanaldi paregabeak eskaintzen ditu ustekabeko elementuekin musika sortuz, adibidez, zulagailu batekin. Funketik acid technora bitarteko erritmoak, teklatuekin egindako inprobisazioak, efektu-pedalak eta theremina (bere musikaren nortasun-zigilu bilakatu den instrumentua). House musikaren eta interpretazio akustikoaren arteko fusioa eginez, one-man band honek magia egiten du taula gainean bere energia xurgatzaile eta soinu zoragarriarekin.