Zer du kontzertu batek performance-tik eta performance batek kontzertutik? Denbora, espazioa, gorputza, entzuleekiko harremana… Kontzeptua hala estetika soil? entretenimendua? Nola gauzatzen da soinua? Nola utzi arrasto bat? Zer du kantuak, melodia, harmonia, berba, pultsu edo erritmotik at? Ba al da “kantagintza hedatua”, literaturaren edo zinemaren kasuan bezala? Nola hautsi kanonarekin, nora jo soinua adierazteko modu berriak aurkitzeko? Izan bedi orain bidea helburu. Mursegok abestu dio Kaurismakiri, Orreagako guduari, Oiongo herriari, Lourdes Iriondori, sorgin jazarriei, ardoari, Gloria Fuertesi, Harkaitz Canori, Robert Walserri, Zal-ri, Hasier Etxeberriari, Markos Jimenori, J.Houstoni, Ixiar Rozasi, Louise Bourgeoisi, Gertrude Steini, J.Cage-ri, euskal tradizioari, deabruari berari…