Talde hori 2000. urtean José Ramón Elkorok jarri zuen martxan, eta pare bat urte pasatu ondoren zuzendari dugu Zigor Martinez bergararra.
Partaide guztiak Arrasate Musikaleko ikasleak eta irakasleak dira: Arrasateko eta inguruko herrietako 23 musikariz osatua dago. Formazio horrek lau tronboi, lau tronpeta, bost saxo, piano, gitarra, bateria, perkusioa, baxua eta ahotsa lotzen ditu. Errepertorioa oso zabala da, eta hainbat estilo lantzen ditu: blueak, jazza, latin, bossa, funk, rock.
Taldeak hiru disko grabatu ditu: lehena Elgetako Espaloian 2005ean; bigarrena 2006ko azaroan, eta hirugarrena Durangoko Plateruena kafe antzokian zuzenean emandako kontzertuan.
Kontzertuak eman ditu Euskal Herri osoan, Arrasaten, Gasteizen, Bergaran, Elgetan, Vianan, Durangon, Gatzagan, Donostian, Amurrion…. baita estatuan ere, Errioxan, Bartzelonan, eta Munichen ere bai.