Ateak eta txarteldegia 21:00etan zabalduko dira

Aurresalmenta: 8 EUR (Kafe Antzokia)
Txarteldegia: 10 EUR

?Kasualitatez hasi banintzen musika munduan, kausalitatez gertatu da ondorengo dena: diskoak, kontzertuak, musikari lagunak... Bakarrik jaio eta bidean lagunak hartu; Mikel Abrego (BAP, Negu Gorriak, inoreneroni), Xabier Olazabal, Drake (BAP, inoreneroni) eta Borja Iglesias (Purr, Hotel, inoreneroni) ditut orain eskutik; bihotzetik hala ere, Xabi Strubell (Dut, ZURA), Jon Oiartzun (BAP) edo Maite Arroitajauregi. Denek egiten dute Anari gu. Bakardade anitza.?Sonoritateari erreparatuz, oraindik egiten darraien erreka, non, diren iturri desberdinetatik edan, finean iturri orok ura, rocka. Batzuetan leuna, bestetan gogorra, beti bustia. Jan berriz, hitza. Aho bete hitz, ikusiak, ikasiak, bilatuak, ez aurkituak, lapurtuak....Errekaren gainean doan paperezko batela; errekak behar du, berak erreka haina.

NAPOKA IRIA

Ander Mujika eta Miren Narbaiza 2005. urtean elkartu eta Napoka Iria sortu zuten. Lehenengo maketak oihartzun handia izan zuen eta ondotik etorri ziren "Poortstraat 58" EPa eta "Lehertarazi edifizioak" lehenengo lan luzea. Ibilbide polita egin du ordutik bikoak, kontzertu ugari eskainiz. Bide horretatik jarraitzea dute helburu, argia ikusi berri duen "Arnasten ikasteko berriz" lanarekin ere.

Napoka Iriaren argazkia: Josu Torrealday.