EH-n Sortua lelopean, streaming bidez antolatzen duen lehen musika jaialdia hartuko du Gasteizko Jimmy Jazz areto historikoak, osasun larrialdiak eragindako egoerari aurre egin nahian. “Jendeak kultura aldarrikatzen du eta nola edo ahala kulturak aurrera egingo du. Kontzertu aretoak kultura eskaintzen duten guneak dira eta aurkitzen diren hirietako balore sozial, ekonomiko eta kulturalak bultzatzen dituzte”, azaldu du Iker Arroniz aretoaren arduradunak.
Kontzertuak webgunearen bidez
Kontzertuak aretoaren webgunearen bidez ikusi eta entzun ahal izango dira eta nahi izanez gero, diru-ekarpena egiteko modua izango dute ikusleek. “Gure ustez, munduan egoera anker honi aurre egiteko modua kultura da, eta hori ezin hobeto laburbildu dugu gure leloa bilakatu den esaldi honetan: Kulturak bakarrik salba dezake herria”, gehitu du Arronizek.
Aurreikusitako egitaraua
- Ekainak 6: Brigade Loco, The Guilty Brigade, Rotten XIII eta Arkada Social.
- Ekainak 14: Izaki Gardenak
- Ekainak 18: The Dealers, Red Iron Squad