Musikagela Weekend neguko jaian hiriko talde berriek euren burua ezagutzera ematen edo urtean zehar grabatutako lanak aurkezten dituzten jaialdia da.

Donostia Kulturak 2004an sortutako zerbitzua da Musikagela, tokiko jarduera musikala bultzatu eta dinamizatzeko asmoz. Gaur egun, entsegu-gelak, kontzertuak, ikastaroak eta musika panoramako artista ezagunekin topaketak eskaintzen ditu eta astero 50 talde eta bakarlari inguruk entseatzen du Intxaurrondo eta Egia kultur etxeetako entsegu aretoetan.