Dejabu Panpin Laborategia ohiko sentiberatasunaz baliatu da familia osoarentzako istorio samur eta irudikatzaile honi bizia emateko. Bertan, Numa, zortzi urteko neskatoa, etxera itzultzen saiatuko da izarrei jarraiki Ibrahim txakurrarekin batera, etxea txikitu dion hondamenditik ihesi.
<p>Inork oroitzen ez duen leku bat. Ondarrez, zaborrez eta behin etxe izan zirenen hondakinez inguratutako leku urrun bat. Gerrak atzean utzitako hondamendia agian? Errefuxiatu kanpamentu abandonatu bat akaso?</p>
<p>Edo nork daki, galaxia honetako beste planeta bat beharbada. Gizaki bakarra bizi da bertan, zortzi urteko neskatila bat: Numa. Bakarrik bizitzera ohitua, hondamendiaren erdian bere bizilekua sortzea lortu du eta tarteka jasaten dituen erasoei bizirauten ere ikasi du. Aspaldian aspertzen hasia da ordea, faltan botatzen baititu lagunak, familia eta ia oroitzen ez duen bere herria. Goiz batean sekula jolasteaz aspertuko ez den lagun bat azaldu zaio, Ibrahim txakurra. Eta elkarrekin inoiz susmatuko ez luketen bidaia batean murgilduko dira, bere arbasoek, desertuko nomadek, aspaldi egin zuten moduan. Izarrei jarraika.</p>
Segur aski asko interesatuko zaizu...
