Heziketa inklusiboan erreferente den 'Lorenzoren ontzia' ipuinaren moldaketa. Modu batera edo bestera denok desberdinak garela pentsatzea denok berdinak garela pentsatzea baino askoz ere aberasgariagoa da, eta horixe da ikuskizunaren abiapuntua. Ohikoak diren tresnak erabilita, desberdina sentitzen den pertsonaren emozioetara hurbilduko gaitu ikuskizunak: haserrea, amorrazioa, mina etsipena... Eta 'normalek' desberdintasun horien aurrean dituzten sentimenduetara: beldurra, errefusa, trufa, onarpena...