Akaitze Kamiruaga eta Iñaki Gilisasti urduliztarrek, nork bere arlotik, berba egingo digute gure eskualdearen bilakaeraz azken mendean: bizimodua, ohiturak, sinesmenak, euskara… Horrez gain, ahozkotasunean sakontzeko parada izango dugu; bereziki, esaera zaharretan zentratuko gara, gai guztiok biltzen dituzte-eta beren baitan. Atsotitzak esan arren “Aitzakia bila dabilenak beti aurkitzen” duela, gu erabat seguru gaude zuek ez duzuela halakorik topatuko horren hitzaldi interesgarrira kale egiteko.