Atsekabea, errebeldia, etsipena, objektu edota pertsona baten manipulazioa edo esperimentazioa, maitasuna lortzeko saialdiak, zure azken gertaeraren kontakizuna, ezezagunaren aurreko beldurra...
Bikotea
Seriotasuna, ordena, dotorezia, arrazoimena, ohitura onak...
Eromena, bihotza, inozentzia, anabasa, urratzea…
Bien artean gizakiaren esentzia eratzen dute: behar dugun eta nahi dugunaren arteko kontraesana..., gizarteak eta bere arauek inposatzen gaituztenaren eta gure bihotzak eta gure erraiek eskatzen digutenaren arteko kontraesana.
Ideia, sorkuntza, interpretazioa: Iratxe Ansa
Gutxi gorabeherako iraupena: 30 min
Iratxe Ansa Donostian jaioa da, eta hiri hartako Musika Goi-kontserbatorioan graduatu zen. Bere ikasketek eta graduazioak jarraipena izan zuten Stuttgarteko John Cranko Schule-n.
1993tik aurrera Iratxek zenbait konpainiatan dantzatu du: Basilea Ballet, Ballet Gulbelkian, Compañía Nacional de Danza, Lyon Opera Ballet eta, beranduago, Nederlands Danse Theater delakoarekin.
Bere ibilbidean zehar hainbat koreograforekin lan egin du, hala nola Nacho Duato, William Forsythe, Jiri Kylian, Crystal Pite, Medhi Walerski, Johan Inger, Ohad Naharin, Mats Ek, Nils Christe, Patrick de Bana, Wayne McGregor, Maurice Causey, Alexander Ekman, Rui Horta, Jacopo Godani eta Mathilde Monnier besteak beste.
Iratxek gala askotan hartu du parte, adibidez Madrilgo Teatro Realekoan edota Bruselako Bizitzarako Dantza izenekoan (bertan beraren koreografia bat aurkeztu zuen: Bizitza). Tel Aviven Nacho Duato eta William Forsythe-ren koreografia batzuk aurkeztu ditu, beste askoren artean. 2002. urtean Benoit de la Danse delakoan parte hartu zuen Nacho Duatorekin batera, eta han bi sari jaso zituen.
2002an Publikoaren Hautaketa saria eta Emakumezko Dantzari Onenari emandako saria eskuratu zituen Alemaniako Solo Tanz Internationales antzerki jaialdian.
2007an Ibilbide artistikoari eskainitako saria eman zion Espainiako Dantza Profesionalen Elkarteak.
Koreografo legez, Iratxe Ansak pieza batzuk sortu ditu Lyongo Operako Balletentzat, Lines Ballet Junior Company-rentzat eta galetarako beren beregi sortutako beste pieza batzuk ere.
2009an Nederlands Danse Theatre uztean, freelance moduan ekin zion bere karrera berriari, tailer koreografikoak emanez, proiektu espezifikoetan dantzatuz eta koreografiak sortuz.