‘Oskara’, ‘Topa’, ‘Gelajauziak’. Eta, nola ez, ‘Erritu’ monumentala (Koreografiarik Onenaren Max Saria 2019an). Azken urteotan Kukai konpainiak egindako lan bikainaren erakusgarrietako batzuk besterik ez ditugu. Izan ere, Jon Maia koreografo eta dantzariak berezko hizkuntza artistikoa sortu du, euskal dantzaren sustraiak beste genero batzuekin uztartuz.

‘Gauekoak’ harribitxi dugu orain arte konpainia honen lanik berriena. Zalantzarik gabe, 2001ean sortu zenetik azaldutako bertuteen laburbilduma. Soilik bi musikarik lagunduta, Jon Maiak bere burua biluzten du, agian sortu duen ikuskizunik pertsonalenean. Eszenografia minimalista bi musikari laguntzaileen lanean ere oinarritzen den ikuskizun batean: Xabi Bandini (Kerobia rock talde nafarraren abeslari ohia) eta tresna ugari jotzen duen Arkaitz Miner gipuzkoarra, Ruper Ordorikaren Mugalariak taldeko kidea.