Adrianak formatu handiko bere lehenbiziko ikuskizuna aurkeztuko du. Testuinguru industrialean dago kokatuta, eta meategia da ildo nagusia. Hori oinarri hartuta, langilearen, migrantearen, eta zehazki penintsularen hegoaldetik Bizkaiko meategietara heldu ziren gizon eta bereziki emakumeen aitortza egin nahi du.

Musika eta dantza, kolore flamenkoak, eta ahozko euskal tradizioaren eta horren alderdi performatibo eta teatralenen berrikuspena uztartzen dira askotariko jatorri eta ibilbideetako lantalde artistiko baten eskuetan.

Adriana Bilbao, koreografia-dantza
Beñat Achiary, ahotsa
Raúl Micó, flamenko-kantaria
Guillermo Guillen, gitarra
Michel Queuille, piano-jotzailea
Luis Mariano Casilla, Ander Eceiza, Koldo Plazas, harrizulatzaileak
Poemak: Gabriel Aresti, Itxaro Borda