Koldo Mitxelena Kulturuneak Mintza Lagun Elkarrizketak eztabaida-zikloa hartuko du 2024an zehar, berriki desagertutako Lagun liburu-dendaren omenez. Zalantzak eta erronkak nagusi dituen testuinguru kezkagarri bati erantzun nahi dio ekimenak, herritarrei gogoeta kritikorako eta eztabaidarako tresnak emanez. Ingurumena, feminismoak, (des)konfiantza demokratikoa, autoritarismo politikoaren gorakada, zientzia eta muga etikoak edo IAk planteatzen dituen erronkak aztertuko dira, besteak beste.