Oharra

Gonbidapenak Antzoki Zaharreko leihatilan jaso ahalko dira egunean bertan emanaldia baino ordubete lehenago.

Larrotxene Bideok, Larrotxene Kultur Etxeko zerbitzuak, Bideoaldia erabili izan du urtez urte zine eta bideo ikastaroetako emaitzak jendaurrean ezagutarazteko. 2022/2023 ikasturtean egindako produkzio eta koprodukzioen aurkezpenak egingo dira.

35 urte dira Larrotxeneko bideo espezializazioa martxan jarri zela Intxaurrondo auzoko Larrotxene Kultur Etxean eta dagoeneko 500 produkzio baino gehiago ekoitzi dira eta ehunka koprodukzioetan parte hartu da.