Jacques the Giant Slayer (2025). AEB. 22 min

• Zuzendaritza: Justin Benson, Aaron Moorhead.
• Aktoreak: Justin Benson, Aaron Moorhead.

XX. mendearen hasieran, arkeologo batek gizaki erraldoi baten hezurdura aurkitzen du. Jack eta babarrun magikoak ipuin mitologikoaren bertsio berri eta originala.

+

Redux Redux (2025). AEB. 107 min

• Zuzendaritza: Kevin McManus, Matthew McManus.
• Aktoreak: Michaela McManus, Stella Marcus, Jeremy Holm, Jim Cummings, Taylor Misiak, Grace Van Dien.

Sinopsiak hotzikara, misterio eta plazer ilunerako ate guztiak zabalik uzten ditu: ?Irene Kelly, bere alabaren heriotza mendekatzeko ahaleginean, hainbat errealitatetan zehar bidaiatzen duen emakume bat da, eta bere asmoa da hiltzailea behin eta berriro hiltzea. Mendeku hartzeko obsesioa laster bihurtzen da adikzio?. Kevin eta Matthew McManus anaiek zuzendua eta bien arreba Michaelak antzeztua, zure garrasiak inork entzuten ez dituen kanpoko espaziotik oroitzapenak ekartzen dizkigun izen bat daraman konpainia batek, Mothershipek ekoitzia, zientzia fikziozko thriller sendo-sendo bat da, eta mendekuaren inguruko kontakizun laino eta bihurria apur bat, multibertsoa zeharkatzen duena arima airean eta gorputza dardara atsegin batean uzteko. Badu halako (barkatu) buddy movie kutsua (neskekin) baita halako (barkatu) road movie kutsua ere.