2024ko maiatzean Anartz Gezala eta Ion Bustok egindako bidaia kontatzen zaigu ikus-entzunezko honetan. Bertan, Everesteko oinarrizko kanpamendura egindako trekkinga eta India iparraldeko Ladakhera (Tibet txikia) eginiko bidaia lotzen dira, bertan bizitako esperientziak kontatuz.

Anartz Gezalak (Donostia, 1984) naturarengatik miresmena sentitzen duen mendizaletzat du bere burua eta zaletasun hau argazkigintzarekin batzen du.

Ion Busto (Ibaeta, Donostia, 1974). Gaztetatik mendizalea, naturazalea eta argazkizalea izan da. Urte luzez bilatu izan ditu, arrats gorri zein goiz ederrak, gau ilun zein ekaitz bortitzak. Esperientzia horiei esker eta inguruan izan dituenei esker, ahaztezinak izan diren momentuak bizi izan ditu.