Audrey Hepburn eta Gary Cooper dira Billy Wilderri eskainitako Nosferatu zikloko Love in the Afternoon (1957) filmeko protagonistak. Estatubatuar seduktore aberats heldu bat ikertzen ari den detektibe pribatu baten alaba, Ariane paristar gazte tolesgabea, hark konkistatutako emakumeetako baten senarrak erail ez dezan saiatzen ari da. Maitasun-istorio berezi baten hasiera da, eta Wilderrek I. A. L. Diamond gidoilariarekin izandako harreman emankorraren hasiera ere bai, bere ibilbidearen amaierara arte lagundu ziona.

• AEB.
• Zuzendaritza: Billy Wilder.
• Ekoizpena: Billy Wilder / Billy Wilder Productions, Allied Artists.
• Gidoia: I. A. L. Diamond eta Billy Wilder, Claude Aneten eleberrian oinarriturik.
• Argazkia: William C. Mellor.
• Musika: Franz Waxman.
• Muntaketa: Leonid Azar.
• Aktoreak: Gary Cooper, Audrey Hepburn, Maurice Chevalier, Van Doude, John McGiver.