Proiektua burutzeko, bat eginik ari da lanean Arana Santurtziko LHIZ San Jorge ikastetxeko irakasle eta ikasleekin, beraiek izango baitira, goizeko 10:30ean hasi eta hurbiltzen diren guztien aurrean, zuzenean, Malagako margolariaren lanaren elementu nagusi bilakatuko diren pertsonen karakterizazio eta eraldaketaz arduratuko direnak. Makillaje lan horiekin batera, Juli Foruria Musika Ikastegiaren eskutik iritsiko zaizkie ikusle guztiei musika doinuak, horiek ere zuzenean interpretatuak.

Aitor Arana argazkilari gernikarraren apustu berritzailea Gernikako bonbardaketaren 80. urteurrenerako.

Karakterizazio lanak amaitutakoan ekingo zaio egitarauaren bigarren zatiari, eguerdiko 12:30etik aurrera, Elai Alai aretoan. Antzerkia, dantza, musika eta ikus-entsunezkoen bidez gogora ekarriko zaigu Gernikako bonbardaketaren trajedia, astelehenetako azokaren eszenak eta Cóndor legioak burututako erasoaren alegoria izango den dantzaldia taularatuaz.

Gernikako bonbardaketa izan zuen inspirazio iturri Pablo Picassok, eta halaxe ikusiko dugu pintorea, garai jakinaren eta inguruabar dramatikoen isla izango zen lanaren prestatze eta burutze lanetan murgilduta. Kartel erraldoi gisa sortu zuen Picassok bere lana, eta mihisetzarrak orduko izuaren testigantza ez ezik, Bigarren Mundu Gerran gertatuko zenaren premonizioa ere bazekarren. Soiltasun kromatikoa, elementu guzti-guztien intentsitatea eta elementuok artikulatzeko modua dira eszena trajikotasun sakonaz janzten dutenak, eta ekimen honek, Aitor Aranaren ideiari eta Santurtziko San Jorge Lanbide Heziketako Ikastetxe Integratuko ikasle eta irakaleen lanari esker, aukera paregabea ematen digu guztion bizitzan presentzia duen margolanaren bertsio bizira hurreratzeko, oihalaren ikuspegi berria moldatu baitute, musika-interpretazioak eta hainbat gerra-gatazkatako biktimen lekukotzak erabilita ekoizpenari are indar handiagoa emanez. Horretarako, Gernikako Kultur Etxeare, Lobak, Gernikazarra eta Gernika Garretan elkarteen, Juli Foruria Musika Ikastegiaren eta ekimenarekin bat egin duten hainbat lagunen kolaborazioa izan du argazkilariak.