Horrela, 3 dira Euskal Herriko taldeak, beste 3 Estatuko gainontzeko Autonomia Erkidegoetakoak (Katalunia, Andaluzia, Madril), eta gainontzeko 3ak nazioartekoak (Italia, Japonia, Argentina). Hizkuntzei dagokienez, 2 ikuskizun antzeztuko dituzte euskaraz, beste 2 gaztelaniaz, eta gainontzekoak (5) testurik gabeko lanak izango dira. Herriko hiru gunetan garatuko dira ikuskizunak, hots, Udaletxe Plazan, Frontoian eta Kiroldegian, non jaialdia ospatzea bermatzen den eguraldia edozein izanda ere. Antzezlan guztiak dohakoak izango dira berriro ere.

Aurtengo jaialdiaren aurrekontua 55.000 eurokoa izan da. Alkateak jaialdia babesten dutenen laguntza eskertu nahi izan du ere: EUSKALTEL, BBK, FYM, Bilboko Udala eta, batez ere, Bizkaiko Foru Aldundia. Andoni Iturbe, Bizkaiko Foru Aldundiko Kultura Zuzendari Nagusiaren hitzetan: “Arte eszenikoak bultzatzeaz gain, Arrigorriagako Jaialdiak beste dohain batzuk ditu ere, kulturaren aldetik eskaintzen duen balio sozial edo publikoa, adibidez”. Honela, Arrigorriagak espazio sortzailea izateko egiten duen apustua azpimarratu nahi izan du Iturbek. Amaitzeko, jaialdia “pailazoen magiaz gozatu nahi duen pertsona ororentzat ezinbesteko hitzordua” dela adierazi du.