Estreinaldiak, nazioarteko 13 film luze, lehiaketara aurkeztuko diren 22 labur eta Alex Angulo aktoreari eskainiko dioten omenaldia. Horiek dira Fant (Bilboko Zinemaldi Fantastikoa) jaialdiaren aurtengo ediziora hurbiltzeko arrazoi nagusiak, generoaren zaleentzat ezinbesteko erreferentzia bilakatu den ekimena.




Aaron eta Austin Keeling anaien lehen film luzearen Europako estreinaldiarekin hasiko da aurtengo jaialdia. 'The House on Pine Stree' (AEB, 2014) filmaren egileak Bizkaiko hiriburuan egongo dira, maiatzaren ñan (20.00) Campos Eliseos Antzokian egingo den ekitaldian.

Sekzio ofizialaren barruan, film, gidoi eta zuzendari onenaren sariak jaso ditzaketen hamahiru filmak lehen aldiz ikusi ahal izango dira Bilbon (bost Estatuko estreinaldiak dira). Horien artean egongo da Pavel Khvaleev zuzendariaren 'III'.

Jaialdiak duela gutxi hildako Alex Angulo antzezle bilbotarra omenduko du, orain dela 20 urte estreinatutako 'El día de la Bestia' filmaren proiekzioarekin.