ARTE ESZENIKOAK
Testua: Kmon

DFG-GFA
DFG-GFA
8.700 Kultura Bonu jarriko ditu salgai Gipuzkoako Aldundiak
2020-12-22
• Literatura, musika eta zinema erosteko balioko dute. 2.700 euskarazko produktuetarako izango dira eta 6.000 beste hizkuntza batzuetako produktuetarako.

Deialdi hau bereziki beharrezkoa da aurten. Izan ere, herri administrazioek, oro har, Covid-19k hainbat sektoretan eragin dituen ondorio negatiboak arindu nahi dituzte, eta, horrela, helburu orokor hori lortzeko, Kultura Departamentuak "Piztu Kultura" ekimena bultzatu zuen. Ekimen horren ondorioz, kultura bonuen lehen deialdia egin zen ekainean, eta irailaren 30era arte luzatu da.

 

Deialdira 64 establezimendu atxikitu dira. Atxikitako establezimenduek bereizgarri bat eramango dute, bonoa erosi nahi duten pertsonek erraz ezagutu ditzaten. Bonuak abenduaren 21etik apirilaren 30era bitartean kontsumitu beharko dira erosten diren establezimendu berean. Santo Tomas egunetik liburuaren egunera arte zabaltzen da.

 

Harkaitz Millan Kulturako diputatuak “kostatu egin da, baina, azkenean, bigarren bonu bat eskaini ahal izango dugu urte zail honetan”.

 

Guztira 8.700 kultura bonu jarriko dira salgai: 2.700 euskarazko kultur produktuetarako izango dira, eta 6.000 beste hizkuntzetako kultur produktuak erosteko.  Horretarako, Kultura Departamentuak 80.000 euroko partida bideratu du.

 

Kultura bonuek modalitate hauek izango dituzte:

 

Euskarazko kultura produktuen bonuaren hobaria, 12 euro artekoa, 20 eurotik gorako erosketarekin.

 

Beste hizkuntza batzuetako kultura produktuen bonuaren hobaria, 8 euro artekoa, 20 eurotik gorako erosketa batengatik.

 

Bonuarekin erosi ahal izango dira liburuak (testuliburuak, ikasketetakoak eta profesionalak izan ezik), musika (edozein euskarritan) eta filmak.

 

Bonuak salgai egongo dira liburuak, musika edozein euskarritan eta filmak saltzen dituzten Gipuzkoako dendetan, betiere kanpaina honi atxikitakoetan. Lurralde eta eskualde orekaren eta establezimendu bakoitzaren pisu espezifikoaren arabera banatuko dira.

 

Ekimen honen helburua da, batetik, herritarrei laguntzea kultur ondasunak eta produktuak eskuratzen eta, bestetik, kulturaren sektoreko enpresak indartzea. Horregatik, kultura bonua banatzeko sare bat egongo da, literatura, filmak formatu komertzialean eta musika saltzen duten Gipuzkoako saltokiena.

8.700 Kultura Bonu jarriko ditu salgai Gipuzkoako Aldundiak
8.700 Kultura Bonu jarriko ditu salgai Gipuzkoako Aldundiak

Segur aski asko interesatuko zaizu...
DFG-GFA
Gobernuaren Ordezkaritzak, Acción Cultural Española-k (AC/E) eta Gipuzkoako Foru Aldundiak Basque Way erakusketa aurkeztu du ... (gehiago irakurri)
DFG-GFA
4.050.000 euroko inbertsioa aurreikusten du Gipuzkoako Aldundiak bultzatutako ekimenak. Kultura sektorea suspertzea du helbur... (gehiago irakurri)
DFG-GFA
Gipuzkoako Foru Aldundiaren Museoek sei eta hamabi urte bitarteko haurrei zuzendutako jarduera bat da. Parte hartzeko, posta ... (gehiago irakurri)
DFG-GFA
Gipuzkoako Foru Aldundiak baliabideak eman nahi dizkie sortzaileei eta kultura ekimenei, beren jarduerari berrekiteko aukera ... (gehiago irakurri)
DFG-GFA
Kultura-sektoreari laguntzeko neurri sorta aztertuko du Arteen eta Kulturaren Kontseiluak, osasun alertak eragindako kaltea... (gehiago irakurri)
DFG-GFA
Edizio honetara 31 lan aurkeztu dira, orain arteko kopururik handiena. Aurreko edizioetan Karlos Linazasorok, Luis Gardek eta... (gehiago irakurri)
Kmon emanaldien egutegia
Gastronomia
Bidaiak
© Gestor de contenidos Gestor de contenidos HagaClic





Kmon

Licencia de Creative Commons
Lan hau Crative-Commons-en Aitortu-Ez Komertziala-Lan Eratorririk Gabe Nazioartekoa 4.0 delako baimen pean lago