Ekimena profesionalen eta publikoaren beharrei erantzuteko sortu zen, formatu txiki eta ertaineko dantza-ikuskizunak programatzeko agertoki egonkorrak izateko zailtasuna kontuan hartuta. Halaber, programatzaileen ahalegina bultzatu nahi zen, jendea horrelako proposamenetara erakartzeko.

Sarea Antzokien Euskal Sarearen laguntzarekin, zirkuitua handituz joan da 2005ean programaturiko lau koreografietatik, gaur egungo 67 koreografietara, 135 antzezpenetara eta 51 konpainietara. Parte hartu duten herriak lautik 35era igaro dira: Alegria-Dulantzi, Amurrio, Vitoria-Gasteiz, Urkabustaiz, Zigoitia, Amorebieta-Etxano, Arrigorriaga, Barakaldo, Basauri, Berriz, Durango, Elorrio, Galdakao, Gernika-Lumo, Getxo, Igorre, Leioa, Sopela, Andoain, Arrasate, Azpeitia, Beasain, Donostia, Eibar, Errrenteria, Hernani, Hondarribia, Irun, Lasarte-Oria, Lezo, Pasaia, Tolosa, Villabona, Zarautz eta Zumaia.

Hazkunde horrekin batera, jendearen erantzunaren eta inplikazioaren mailak ere lagundu du Dantza Zirkuituaren helburuak finkatzen.