Hogei urte denbora luzea da kasualitatea izateko. Eta hori da Durangoko Juan de Iciar elkarteak Pasioa antzezten daraman aldia, Aste Santuko hitzorduari hutsik egin gabe. Debozio erlijiosoaren eta antzezpen herrikoiaren arteko erdibidean, ehundik gora antzezle eta boluntario lanean aritzen dira urtetik urtera bertako zein kanpoko ikusle gehiago erakartzen dituen tradizioari eutsi nahian, Nazaretheko Jesusen azken egunak gogora dakartzaten lau emankizunak aurrera ateratzeko.

Pasioak aukera ematen die ikusleei Durangoko zokorik ederrenetakoa bisitatu eta ezagutzeko: Santa Ana Plazaren ingurua. Bertan dago kokatuta XVI. mendean eraikitako izen bereko arku barrokoa, hiria babesten zuen harresiaren azken aztarna. Santu berari kontsagratua dago emanaldien ikusgarritasuna areagotzen duen eliza.

Hori guztia lau egun iraungo duen Pasio aldia bizitzeko.