ARTE ESZENIKOAK
Testua: Kmon

SALA BBK
Sala Bbk
BBK OFF FESTIVAL
Proposamen eszeniko ez komertzialak sustatuko ditu BBK Off 2022 jaialdiak
2022-02-09
Bilboko Sala BBK aretoak publiko eta kultura-joera berrietara hurbiltzeko apustua sendotzen du, pieza alternatibo eta erronkarien erakusleiho izan gura duen jaialdi honekin. Izen-emateak 2022ko otsailaren 7tik 27ra bitartean egin ahal izango dira,

Iaz izandako arrakastaren ondoren, BBK OFF Festival-en bigarren edizioa izango da BBK Salan, izaera alternatiboko pieza eszenikoak sustatzea eta erakustea izanik bere helburu nagusia. Aretoak apirilaren lehen astea gordeko du (1etik 3ra eta 7tik 10era) proposamen ausartak agertokian jartzeko gure artisten talentua bultzatze aldera.

Aurten, gainera, BBK OFFek bere ekintza-esparrua zabalduko du Espainiako estatura irekitzeko, eta, berrikuntza legez, nazioarteko hainbat pieza gonbidatu izango ditu programazio ofizialetik kanpo, Europako Perform Europe programari esker. “Billenium” eta “To those born later” dira BBK OFFen ikusi ahal izango diren “Performing Futures” proiektuko bi piezak, eta proiektu hori aipaturiko programa europarrak hautatu du, “International Theatre Days in Belgrade” eta “PLACCC Festival” (Bilbao-Belgrado-Budapest) delakoekin batera.

Izen-emateak

Izena emateko epea otsailaren 7an ireki eta 27an amaituko da. Informazioa eta formularioa www.bbk.eus helbidean eskuratu ahal izango dira. Ekoizpen eszeniko ausartak, originalak, eldarniozkoak, agian ausartegiak ere, bilatzen dira, zirkuitu komertzialetik urrun daudenak.

Izen-emateak egin ahal izango dira, bbkoff@bbk.eus helbide elektronikora formulario bat bidalita.

Hautatzeko irizpideak

Beren proposamenetan arriskuak hartzen dituzten eta lengoaia eszeniko berrien aldeko apustua egiten duten artista eta konpainiak bilatzen ditu BBK Salak, gehienez 2 orduko iraupena duten antzezlanekin. Gutxienez 1.000 euroko ordainsaria emango da, gehi txarteldegian batutakoaren % 100, ordubete eta bi ordu arteko lanen kasuan. Laburragoei dagokienez, diru-kopuru hori berori banatuko da beste proposamen batzuen artean (gehienez 3).

BBK Sala arduratuko da ikuskizun bakoitzaren atal teknikoaz estandar orokor batekin, baita emanaldien zabalkundea egiteaz ere bere ohiko euskarrietan.

Izena eman ostean, proposamenak formatu digitalean aurkeztu beharko dira otsailaren 27a baino lehen. Ondoren, BBK Salako talde ebaluatzaile batek iraupen luzeko zazpi proposamen (asteko egun bakoitzeko bana) eta sei labur aukeratuko ditu.

Lanak honako irizpide hauen arabera hautatuko dira: proposamenaren kalitatea, balio artistikoa eta zorroztasuna; genero-berdintasunarekiko eta euskararekiko konpromisoa; ibilbide artistikoa; proposamenaren bideragarritasun teknikoa; eta proposamenaren berrikuntza.

 


Segur aski asko interesatuko zaizu...
SALA BBK
Musikak, dantzak eta antzerkiak beteko dute martxoko eta apirileko egitaraua, emakumezko eta sortzaile gazte ugarik jardungo ... (gehiago irakurri)
SALA BBK
Besteak beste, Cupido, Corizonas, Egon Soda, Tulsa eta Depedro arituko dira zikloan (gehiago irakurri)
SALA BBK
Martxoaren 31n hasiko da eta Bilboko gizarte-bizitza astintzea du helburu, pop-a estilo ireki eta poliedrikotzat hartzen dut... (gehiago irakurri)
SALA BBK
Arte alternatiboari eskainitako Bbk Off jaialdiaren lehen edizioa hartuko du Bilboko Sala Bbk aretoak uztailaren 5etik 11ra b... (gehiago irakurri)
SALA BBK
Sala Bbk aretoak emanaldi ziklo interesgarria antolatu du, Covid 19 pandemiak eragindako konfinamendua arindu eta euskal kult... (gehiago irakurri)
BAGARA KOLEKTIBOA
Musika, dantza eta teknologia berriak, Bagara Kolektiboaren (Durango) lehen espektaku... (gehiago irakurri)
BILBAO
ELENA ARRESE VILLANUEVA
Elena Arrese margolari gipuzkoarrak 'Eguneroko eginkizun artistiko, etiko eta estetikoak (2020-2022)' izeneko bilduma erakuts... (gehiago irakurri)
Kmon emanaldien egutegia
Gastronomia
© Gestor de contenidos Gestor de contenidos HagaClic





Kmon

Licencia de Creative Commons
Lan hau Crative-Commons-en Aitortu-Ez Komertziala-Lan Eratorririk Gabe Nazioartekoa 4.0 delako baimen pean lago