Iván Ferreirok Piratas-eko buru gisa eman zuen bere burua ezagutzera, 1992 eta 2004 artean zazpi disko grabatutako taldea. 'Canciones para el tiempo y la distancia' (2005) izan zen artista maitatu, errespetatu eta elkarlanari emana denaren bakarkako lehen lana. Urrutira jo gabe, Julieta Venegasek jarri dio ahotsa 'Alien Vs Predator'-i, 'Val Miñor-Madrid. Historia  cronología del mundo' albumeko abestietako bat. Bere seigarren diskoa da, binilo formatuan ere argitaratu duen lehena.

Vigoko abeslari eta konpositoreak aurrera jarraitzen du bere erritmoan, zaratarik gabe, ahots eta estilo bokal berezian fidaturik. Silabak luzatzea du gustuko eta moldaketa oparoz biltzen ditu, betiere intentsitatearen bila, nahiz lirikaren edo crescendo musikalaren bidez. Egunerokotasunaz elikatzen den artista berezia da eta, hala ere, pop-etik eta rocketik harantz joateko gai da, zein erritmo dantzagarrien  zein zarataren bidez. Espainiar musikako izen handia da dagoeneko.