Haizetara Kale Musikarien Nazioarteko Lehiaketak Europan genero hori jorratzen duten talderik onenetako batzuk batuko ditu beste behin. Herri osoa eszenatoki erraldoia izango da hiru egunez jarraian.

Posible da musika jaialdi batek funka, soula, soinu balkanikoak, heavy metal edo latina bezalako genero anitzetako taldea biltzea? Bai. Eta partehartzaile guztiak kaleko taldeak izateko baldintza gehitzen badiogu, genero horiek hiriko eszenatokiaren kodeetara egokitzeko gai direnak? Kasu horretan, Haizetarari buruz ari gara, aurten berriz ere bederatzi talde hautatu bilduko dituen Fanfarren, Banden eta Kale Musikarien Nazioarteko Lehiaketa.

 

Kaleko musikariek ez dute areto itxiek eskaintzen duten babesa eta horretan datza hain zuzen ere genero honen xarma. Artistek inguru aldakorrera egokitzeko eta entzuleekin interaktuatzeko gai izan behar dute. Haizetaran, gainera, herri-epaimahaiak ematen duen Sari Bereziaren aukeraketan parte hartzeko aukera du publikoak.

 

Hiru egunetan zehar, sarerik gabe jardun eta arte honen esentzia bera eskaintzen duten musikari-sorta entzuteko aukera eskainiko du Haizetarak.