90etako eztanda indiearen eraginez, musikaren izartegian izar uxoak agertu ziren nonahi, handik gutxira hondoratuz joan zirenak. Denborak eta krisiak nor dagokion lekuan kokarazi dute, eta onenek baino ez dute iraun jardunean. Musika independentearen ikurtzat jotzen den La Habitación Roja bezalako banden kalitatea nagusitu da. Hiru bosturtekotik gora igarota, Valentziako boskotea kontsolidatu eginda, eta ezinegona, grina eta gustu onari eutsiz bizirik atera direnenartean mantendu da, pop musika harantzago bultzatu nahian.
Bere osasun onaren emaitza dugu 'Fue eléctrico' (Mushroom Pillow) izenburuko zortzigarren diskoa, gitarra elektrikoen indarra berreskuratu eta edozein kantu kontzerturako egokia izan daitekeen ustean grabatzen duenaren energiaz beteta dagoena. Melodia esku-beteka ageri da, eta soinuaren trinkotasuna, eta tentsio emozionala, ezin apurtuzko amodioen urraketa, sarerik gabeko jauziakedota iratzartzeko moduko amesgaiztoak oinarri dituena. Gozatzekomodukoa.